Page 41 - ATA

Colegio EPI Ta Gradici E Compania Y Instancianan

Cu Ta Coopera Cu Pasantia Di Nan Studiantenan

 Local
- 18/06/2019

Recientemente a tuma lugar e ‘Industry Appreciation Event’ di Colegio EPI. E evento aki
ta di gran importancia pa Colegio EPI, na unda BPV (stage) bureau di Colegio EPI ta
duna elogio y muestra di gratitud na diferente compania y instancia cu ta coopera cu
pasantia di e studiantenan di Colegio EPI.

E intencion tras di e evento anual aki ta pa brinda e companianan un rato placentero como
muestra di gratitud p’e gran cooperacion cu e studiante y docentenan di Colegio EPI ta
ricibi durante henter e aña escolar.

Tambe ta probecha di e evento aki p’asina intercambia ideanan nobo y ricibi feedback di
e companianan p’asina mantene of te hasta hisa e calidad di pasantia di Colegio EPI.
Mester remarca cu e variacion di companianan cu tabata presente tabata uno hopi amplio
unda cu a pasa un rato ameno y alavez a intercambia hopi informacion valioso.

Mayoria di e companianan cu tabata presente ta trahando cu por lo menos un of dos
unidad di Colegio EPI.