Page 100 - VOS DEC 16

Solange Tchong di AZV: Ta bon pa bin cu mas dokter di cas

Thursday, 15 December 2016 20:57
Comparti

Segun vocero di AZV, Solange Tchong, pa loke ta dokternan di cas, ta bon pa por amplia esaki. Cu esey ta
bezig tambe. Ta premira cu den 2017

, mas of menos den e di tres kwartaal, September, October, ta spera di por haya dos dokter di cas cu lo
keda cla cu nan opleiding. E ora ey lo tin un tiki mas espacio. Banda di esey mes ta bezig tambe ta busca
dokter di cas pa por ofrece un of dos extra.

Esaki ta pasobra cu tin den algun aña, si wak bon, dentro di un pa dos aña tin algun ta yegando edad di
65 aña unda cu e contracto di AZV ta termina. Ta den trayecto di reemplasa algun dokter di cas vooral
esnan cu ta bay yega e edad di 65 aña, unda cu automaticamente e contracto ta termina y mester di
reemplaso.
Si mira 2016, tabata un tiki krap. Pa e clientenan di AZV cu kier a busca un cambio di dokter di cas, pa
mayoria di dokter di cas tabata riba su maximo di e cantidad di pashentnan cu nan mag tin of tin di nan
hasta ta indica cu nan kier tuma menos pasobra nan kier percura pa por keda duna un bon servicio. Den
esaki ta continuamente den combersacion cu e asociacion di dokternan di cas pa semper por
keda mantene un bon bista, un bon control riba con esaki ta bay y pa toch tin suficiente dokter di cas
disponibel.
Si ta asina cu ta wak tambe den otro areanan, por ehempel di specialismonan, tambe algun punto di
atencion. Un di nan ta specialistanan di wowo. Eynan tambe AZV ta pensa cu mester un ampliacion. Riba
e arean di neurologia tambe ta wak cu toch esaki tabata pone cierto presion riba e neurologonan pasobra
pa hopi tempo toch tabata draai por ta cu un of dos so y eynan ta un area tambe cu tin posibilidad pa
amplia esaki.
Por bisa cu AZV semper ta monitoria e situacion unda cu tin cu bay amplia, lo haci esaki. Esey ta keda
monitorea, no solamente como AZV pero hunto cu otro partidonan manera Hospital, manera Imsan, cu
ta partidonan cu ta traha hunto pa asina por beneficia e pashent di Aruba. E pashent di AZV.

Exigencianan
Si mira e ley di AZV, ta keda exigi for di AZV pa contrata cu dokternan cu ta registra BIG. Big ta un
registracion na Hulanda y ta keda un exigencia pa AZV pasobra esaki ta ancrra tambe den ley. Pa esaki si
e ta vigente ainda. Sin embargo, manera hopi por a tuma nota, tin diferente desaroyo entre otro minister
di Salubridad Publico mes a papia tambe di e Aruba Big, cual ta den pleno preparacion pa asina por haci
algun cambio. Pa AZV mes e situacion ta Status Quo cu den e sentido cu mientras no haci e cambionan
den ley, ta keda exigi di AZV toch, cu mayoria specialista contrata na Aruba, mester tin en todo caso un
registracion BIG of nan mester tin loke ley ta bisa tambe un gelijkwaardigheid verklaring. Un declaracion
cu nan certificado y documento cu ta bisa cu ta ekivalente na loke ta wordo exigi di BIG of di un
profesional.