Page 79 - VOS DEC 16

AZV cu algun cambio entrante 1 di Januari 2017

Thursday, 15 December 2016 21:04
Comparti

AZV, manera tur hende sa, tur e añanan aki mester di un continuidad di cuido, vooral pa pashentnan
unda cu ta wak cu dokternan di cas, unda cu nan contracto ta bay caba cu AZV.

Segun vocero di e organo, Solange Tchong, esey tambe lo bay ta asina entrante 1 di Januari 2017, unda lo
bay tin cambio. Esey ta regarda specificamente cierto dokternan di cas. Tin dokter Yolanda Dennert,
kende tabata na Caya Punta Brabo. Eynan ta bay tin un cambio. Tur pashent inscribi cerca dr. Dennert,
entrante 1 di Januari 2017, lo wordo traspasa automaticamente pa dr. Auristelli Wever y e dokter lo duna
e aseguradonan e servicio. Pashentnan lo ricibi un carta na cas, avisando di e traspaso automatico aki y
tambe ta asina cu pashentnan cu si acaso no ta di acuerdo cu e traspaso automatico aki, pasobra AZV su
pensamento ta, cu tin cu percura pa tin dokter reemplasante ora cu un dokter di cas ta bay, pero ta asina
si cu si asegurado no ta di acuerdo cu esaki, e ora AZV ta duna e oportunidad pa den luna di Maart 2017
por pasa haci cambio di dokter di cas.

Otro cambio cu lo bay tin ta cerca e groepspraktijk van Trigt, unda cu pashentnan inscribi cerca Glen van
Trigt tambe ta bay pasa un cambio. Ta asina cu dr. Glen van Trigt su contracto cu AZV ta termina y
consecuentemente ta bay tin un traspaso automatico. Tur pashent di dr. Glen van Trigt y semper a ricibi
servicio di dr. Glen van Trigt, awor aki lo pasa pa dr. di cas Rosa Vogel, cu por cierto ta un dokter di cas
cu ya caba ta trahando den e groepspraktijk van Trigt. Pero entrante 1 di Januari 2017 e lo tuma over tur
e pashentnan di dr. Glen van Trigt. Ta gradici dr. van Trigt tambe cu como dokter di cas tur e añanan aki,
for di momento cu AZV a wordo introduci na 2001, e tambe a forma parti di AZV y a yuda e
aseguradonan di AZV. Ta gradici su persona pa tur su añanan di servicio y ta duna tambe un bon bini na
dokternan di cas nobo.

Otro cambio cu tin ta na oficina di dr. Edwin de Cuba na Santa Cruz. Esaki tambe ta bay bira awor aki un
groepspraktijk, unda cu ta bay tin dos dokter trahando. Eynan ta bay wak cu dr. Charlotte van Horenbeek
ta bay traha hunto cu dr. Edwin de Cuba, y ta bay ta asina cu den e practica ey, 800 pashent cu ta inscribi
cerca dr. Edwin de Cuba, lo wordo traspasa pa dr. Charlotte van Horenbeek. Tin cu menciona cu e
cambio no lo bay ta grandi, den e practica di dr. Edwin de Cuba, pa motibo cu algun pashent ya a ser
conoci cu dr. Charlotte van Horenbeek, pasobra algun biaha a reemplasa eynan y ta asina si cu loke ta
bay pasa ta, cu e 800 pashentnan cu a worod selecta pa un traspaso automatico, awor aki lo ricibi nan
carta na cas di esaki.
Den practica ta kere cu e ta algo hopi beneficioso pa pashentnan pasobra mester corda cu AZV eigenlijk a
stimula loke ta groepspraktijken. Ora cu diferente dokter di cas ta traha hunto, sea dos, tres of mas, cu ta
na beneficio di pashent, pasobra e continuidad di e servicio medico ta sigui.

Por ehempel ora uno ta malo, of ora tin cu bay congreso, of hasta ora nan tin vakantie, e ora semper un of
e otro por tuma over y esey ta hopi importante pa AZV, segun Solange Tchong.