Page 85 - VOS DEC 16

Durante dos periodo di aña por haci cambio di dokter y di
botica

Thursday, 15 December 2016 20:50
Comparti

Cambio di dokter di cas, AZV ta recorda tur asegurado cu esaki semper ta tuma luga den dos periodo di
aña, sea den luna di Maart por cambia di dokter di cas of den luna di September

por cambia di dokter di cas, segun vocero di AZV, Solange Tchong.

Ta dos luna unda cu AZV y tur dokter di cas ta habri cupo pa asina hende por cambia di dokter di cas.
Banda di esey tin cambio di botica. E ta tuma luga tur aña den luna di April y luna di October. Hopi
importante pa e cliente tuma nota di esaki pa ora haci cambio di dokter di cas, esaki ta den luna di Maart
y September di e aña of ora ta referi cambio di botica, esaki por tuma luga den luna di April of luna di
October di e aña.
Esaki ta un proceso facil, AZV e ultimo dos pa tres aña a yega cu acuerdo cu dokternan di cas y boticanan
cu e cliente no mester bin AZV mas. E cliente ta acudi directamente na e dunado di cuido cu e ta desea.
Den caso cu ta un dokter di cas, e por acudi na e dokter di cas di su interes, den luna di cambio, sea den
luna di Maart of luna di September, e ora e ta bay eynan directamente, pa eynan e haci cambio di dokter
di cas.
Tin cu menciona si cu ta importante pa percura pa informa bon ora cu ta bay haci e cambio di dokter di
cas. Informa bo mes bon di kico ta reglanan di e oficina di dokter, of con e dokter ta trata pa ora ci haci
afspraak of pa pidi receta, pa esaki ta duidelijk pa e ta bon informa cu ora bay haci uzo di e servicio
medico di e dokter di cas, ya e asegurado ta na altura di e regalanan di oficina. Igual ta conta pa e
boticanan. Den luna di April y den luna di October, ora cu kier haci cambio di Botica, ta importante pa
acerca e botica di interes y ta informa kico ta tur servicio cu nan por duna, ya asina ta na altura di esaki,
segun Tchong..