Page 56 - FDLP
P. 56
Den categoria A-Klas Blackhawks y Celebrities ta compitiendo pa e titulo maximo den
nan serie di best out of 5. Blackhawks a sali cu confiansa y dicidido pa gana anotando 2
careda den cabes di prome inning y ta amplia esaki cu 4 mas den di 4 inning pa bay ariba
comodo cu 6 careda, Celebreties den bom di 4 inning ta corta bentaha cu 1 careda y ta
bolbe anota uno mas den bom di 5 inning pero no kier a entrega.
Gregory Manuel e pitcher habrido pa Celebrities apesar di tabata tin muestra di cansancio
a sa di pone dos “0” riba den 5 y 6 inning pues partinan esencial di un partido. Perdiendo
6-3 den bom di 6 inning e muchanan di Esy Kelly ta rally pa 6 careda y ta bolter e score 9
pa 6. Blackhawks ta menasa den cabes di 7 inning y ta anota 1 careda pero gasolin a caba
y wega ta termina 9-7 na fabor di Celebrities.
Celebrities 9 careda, 11 hit, 3 eror y ta laga 4 coredo den circulacion. Blackhawks 7
careda, 6 hit, 2 eror y tambe ta laga 4 coredo na base. Como ekipo Celebrities a bati di
28-11 pa un averahe di 393 mientras Blackhawks a bati como ekipo di 27-6 pa un
averahe di 222.
