Page 10 - WEB

E mama di Filomena Sophia a lanta y a haya e tanki di awa den Rancho. E no tabata haci

uzo di e tanki, pero su mama si a uza esaki pasobra nan mes no a haya awa mas den dje.

Filomena Sophia ta corda cu tempo Portuguesnan tabata bari cu bari sushi, nan tabata tira

tur cos na e tanki y DOW tabata bin cu truck pa lanta sushi. E hunto cu su amiganan

tempo tabata mucha, tabata coy e blekinan di lechi y soseishi y tabata hunga tienda.

Kico ta nifica e tanki di awa, Lupita Sophia-del Rosario no sa pasobra for di chikito nan a

lanta cu esaki tabata t’ey. Su mama a conta nan cu hopi hende tabata saca awa for di e

tanki pa diferente uzo, pero nan mes no sa. E ta corda cu tempo nan tabata chikito e

muchanan homber tabata busca diferente manera pa drenta den e tanki y sali bek. El a

sigui bisa cu ora awa tabata yobe, tabatin un tubo cu awa tabata sali di dje.

Segun storia cu el a scucha di su mama, un hende tabata bin yena e tanki di awa y asina

hendenan tabata coy awa pa laba paña enzo. E rumannan Sophia ta spera cu conserva e

tanki y cuid’e. Nan ta haya cu tanki ta un monumento hopi valioso y mester conserv’e.