Page 5 - MIN VOS
P. 5
Brazil Taekwondo Stichting ta presenta su team pa e TK5 na
Surinam
Monday, 13 February 2017 12:02
Comparti
Brazil Taekwondo Stichting su team pa e di 5 TK5 na Surinam ta consisti di caranan nobo cu a drenta pa
reemplasa esnan cu a crese y cu ya no ta den e team mas door di nan edad. Aruba a logra gana e copa di e
TK5 Surinam pa 4 aña consecutivo y e aña aki nos ta spera di gana e di 5 copa di e TK5 Surinam, aunke
cu e team aki ta conta cu caranan nobo y nan ta mas chikito, Brazil Taekwondo Stichting tin hopi
speransa.Brazil Taekwondo Stichting a bin ta prepara y traha ariba e team aki pa un tempo caba y awor
ta e momento pa e pueblo di Aruba sa ken ta e team cu lo representa Aruba na Surinam na e di 5 TK5 na
Surinam. E team ta consisti di e siguiente atletanan; 1. Dilon Brown. 2. Elijah Mackay. 3. Lixjandra Bello.
4. Maelynn Fradl. 5. Danon Delamore. 6. Jahmani Eisden. Danon Delamore y Jahmani Eisden ta e
uniconan cu a participa na e TK5 di aña 2016 y awor nan lo participa un biaha mas na esun di aña 2017.
Awor ta conta cu caranan nobo manera: Dilon Brown, Elijah Mackay, Lixjandra Bello y Maelynn Fradl,
tur di nan ta nan prome biaha na e TK5 na Surinam. Aaron Jacobs ta participa pa prome biaha na e TK5
di Surinam como coach y tin trabou pa haci cu e team parcialmente nobo aki pa asina bringa pa trece e
copa Aruba dia 19 di Februari.
