Page 53 - MIN VOS

Inscripshon a habri pa POWERADE 8K Run & Funwalk

Sunday, 12 February 2017 10:21
Comparti

Tur hende por pasa na Ibisa durante ora di oficina y inscribi pa e popular caminata organisa pa sv RCA. Prijs di
participashon ta Awg 25,00 cual ta inclui un nechi drifit, fruta fresco, refreshments, massage, premionan metalico y
gift certificates pa coredornan cu gana den categorianan dames, mix 60 plus, mix U16 y cabayero.

Animashon ta den man di MC Roberto Geerman y Live DJ. Salida ta diadomingo 12 di maart pa 6:30 di mainta y
jegada ta bek na RCA Arena. E ruta ta diferente cu anjanan anterior, di RCA lo sali bai rumbo retonde Tanki
Leendert, retonde Paradera, retonde Sero Blanko, La Salle Straat, Kamerling Onne y termina na e Arena di RCA. Lo
tin dos waterpost maneha pa Thrillwalkers y un team di Harley Davidson pa controla tur skina. Un crew di
profesionalnan lidera pa Candido Tromp y Icho Matos lo zorg pa e massage despues di e loop. E frutanan fresco ta di
Fruteria Virgilio y sonido ta den man di High Performance. Directiva di RCA ta gradeci e bebida campeon
POWERADE cu ta hasi e caminata aki pa di seis anja consecutivo posibel. Jega uno jega tur y contribui na otro
fundraising tricolor. Cupo ta limita na solamente 500 participante. Pa registrashon di grupo di 10 hende of mas por
app 6620202 of mail yazmiratromp@gmail.com