Page 16 - MIN JUS

Na waf di Barcadera ta masha formalidad tin pa local subi

pero esnan di barco ta drenta of sali na nan antoho

Tuesday, 07 February 2017 06:49
Comparti

Durante e combersacion cu minister Arthur Dowers a mustre cu un di e preocupacionnan ta na waf
Barcadera. Por mira cu tin un entrada y salida, manera cu ta nan mes ta doño di waf, esnan cu ta yega
eynan cu barkitonan di Venezuela. Sea cu nan ta bin baha carga for di barco y ta cana eyriba, manera cu
nan ta move rond, nan ta move den auto.

Riba esaki minister Dowers a splica cu a atende e asunto aki tambe. Como minister mes no por drenta
waf. Ta hopi formalidad tin pa e mes subi waf. A atende e ministernan encarga riba esaki y a bay pidi e
comision pa bin cu medidanan hopi mas severo. No por ta asina cu un hende cu no obviamente cu no ta
un criminal yega eynan y otro figuranan dudoso si ta sali for di eyden. Ta cos cu nan mes a bib’e. Tin un
comision trahando y pronto lo bin medida. Si no bin medida, e ora ey lo bay tuma cierto medidanan cu ta
hopi drastico. Esnan responsabel no ta minister di husticia den e caso aki, ni tampoco minister di
finansas cu ta responsabel pa e parti di douane. Sinembargo esaki ta den man di un grupo den e caso aki,
APA y ASTEC, nan ta responsabel pa aumenta e siguridad den e parti ey. Tur partido mester duna nan
contribucion. Esaki ta un cos cu ta hopi aña ta pasando caminda cu mas y mas ta bezig ta close in. Mas y
mas ta bezig ta señala poniendo exigencia. Ta spera cu dentro di algun siman, e situacion aki lo bay
cambia drasticamente, sino ta pone como condicion cu e botonan aki no por bin. No por strobanan di
bin. Por para e botonan di bin logicamente. Por ta hopi lo grita. Pero por bay tambe bisa y pone medida
drastico y no laga e botonan aki bin mas. Tin cierto hendenan lo cumbini tambe, por ta economicamente
y otronan no. Ta pidi pa asumi nan responsabilidad, sino lo bin medidanan mas drastico cu lo bay tin
consecuencia. E ora por bay mira e ora ey cu siguridad prome, lo bay haya critica cu nan ta haya cu
economia tin cu bay prome. Pesey tin diferente partido den tur comunidad pa trece e balanse, cual no tin
problema cun’e. Fact si, tin un responsabilidad pa carga, carg’e. No critica so y no asumi bo mesun
responsabilidad tambe, e mandatario a splica.

http://www.24ora.com/index.php?option=com_content&view=article&id=118435:na-waf-di-barcadera-
ta-masha-formalidad-tin-pa-local-subi-pero-esnan-di-barco-ta-drenta-of-sali-na-nan-
antoho&catid=12:politica&Itemid=18