Page 3 - RIU HOTEL
P. 3
Celebracion di Dia di Prensa na Riu
Palace Antillas
Posted on 09/2/2018 10:37 pm AST | Updated on 09/2/2018 10:38 pm AST
PALM BEACH - Diasabra mainta a tuma luga un brunch den Rimini Restaurant na Riu
Palace Antillas. E evento tabata na honor di miembronan di prensa local, celebrando Dia
di Prensa. Gerente General di Riu Palace Aruba, Juan Blanco, a saluda periodistanan na
nan yegada y a desea tur un feliz Dia di Prensa. Na final di e evento, cu a bay compaña cu
un tremendo brunch hunto cu Mimosa, bou musica di piano, a rifa algun premio entre
otro cena romantico pa dos persona y estadia pa un fin di siman, cu a bay pa Hilario
Doncker di Hits 100.9FM. Tur presente a ricibi un bunita “mug” di Dia di Prensa, den
forma di un lens di camara, un aprecio masha special pa tur cu ta eherce e profesion
special aki den nos comunidad. Un mug asina sin duda lo tin bon uzo den e trabou di
prensa, cu hopi biaha ta bay pa oranan largo y iregular.
