Page 31 - MIN ARENDS 6 APRIL 2017

Minister Richard Arends "Cu apertura di Qredits, Aruba ta
tuma un otro paso den cumpli cu metanan di Nacionnan

Uni"

Wednesday, 05 April 2017 19:53
Comparti

Instituto non profit Qredits den forma festivo a habri su portanan den MFA Noord. Esaki a sosode den
presencia di Prome Minister Eman, Minister di Asuntonan Economico y Comunicacion Richard Arends
, CEO di Qredits sr. Elwin Groenevelt, fundador di Ondernemend Nederland sr. Hans Biesheuvel, branch
manager di Qredits na Aruba sr. Oliver Vieira y varios invitado cu a acudi na e momento special aki. Qredits ta
un fundacion non profit cu ta otorga micro financiamento te cu 50 mil florin na un interes di 8,75% y ta coach
entrepreneurs durante inicio di nan negoshi. Loke ta diferencia Qredits di e demas institucionnan financiero ta
cu e instancia aki no ta pidi borg pa e fianza. Aprobacion di e fianza ta basa primordialmente riba e plan di
negoshi cu ta wordo presenta, como tambe e habitonan y motivacion di e empresario.
"Un di e obstaculonan mas grandi den 'doing business' na Aruba y otro partinan di mundo ta acceso na capital",
asina Minister Arends a cuminsa su discurso na e ocasion aki. "Nos a pone como meta pa trece alivio den esaki. A
dura basta prome cu tur cos a keda realisa. Durante un di nos prome biahenan pa Hulanda nos a topa cu
ehecutivonan di Qredits unda nos a discuti con trece e instituto Aruba. Qredits riba su mes a cana e caminda pa
por a haya e 'bankvergunning' necesario."

"Mi mes ta bin di un famia di empresario. 85% di negoshi na Aruba ta chikito of mediano. Pesey ta importante pa
tur otro idea cu tin den cabez di esnan cu un dia kier tin nan propio negoshi, pero no ta logra dor di falta di capital,
ta haya oportunidad cu Qredits pa logra nan meta. Desde e prome Gabinete Mike Eman, e maneho economico
tabata dirigi den crea posibilidadnan pa negoshinan chikito y mediano. Tambe pa envolve empresarionan den
yega na actividadnan economico." Arends a splica cu di parti di gobierno semper a percura pa yuda. A crea Bureau
Innovatie pa bin cu ideanan nobo y realisa nan y IDEA di Departamento di Asuntonan Economico pa duna
coaching con cuminsa un negoshi. Sin duda e enorme contribucion di Camara di Comercio y ATIA a percura pa
realisacion di Qredits na Aruba.
Minister Arends a splica cu den cuadro di Reino Hulandes, Aruba tambe a firma e SDGnan (metanan sostenibel) di
Nacionnan Uni. Esaki a sosode bou guia di Prome Minister Eman. "Number 8 di e metanan aki ta acceso na capital.
Cu apertura di Qredits, Aruba ta tuma un otro paso den cumpli cu e metanan di UN. Apertura di Qredits no ta
solamente resultado di trabou duro dor di hopi hende, pero e tambe tambe un complemento di nos mercado
financiero. E no ta un competencia di nos banconan, pero ta complementa e producto financiero cu Aruba por
brinda. Un punto cu sigur ta importante pa menciona ta educacion y coaching cu Qredits ta ofrece, pasobra
esakinan ta hopi importante ora di planta e semiya di entrepreneurship." Minister Arends a Arends a felicita
Qredits y tur envolvi cu e instituto, a desea nan tur clase di exito y cu pronto Aruba ta wak e prome frutonan di e
fianzanan cu ta wordo otorga.