Page 18 - SOLO DI PUEBLO

Pagina 18 Diasabra 10 December 2016
Grupo Magdalena a celebra nan cena di Pasco na

Indian Rock Garden

Grupo Magdalena a goza
di un tremendo fiesta di
Pasco na Indian Rock
Garden. Tur hende a goza
y baila cu e dushi ritmo di
J-Formation. Durante e
anochi special aki Grupo
Magdalena a scohe 3 dama
como Magdalenanan. E
tres Magdalenanan ta
Rita Geerman, Johanna
Geerman y Annie
Bermudez. Tambe como
Magdalena di voluntario
nan a scohe Eugenie
Kelly. Y como clausura di
e fiesta no por a keda afo
e Dande tradicional canta
pa Rey Kelly.

Grupo Magdalena ta desea
na tur su miembronan y
voluntarionan y Pueblo di
Aruba en general un Bon
Pasco y Feliz Aña 2017.
Grupo Magdalena a regala
Miriam Koolman di Solo di
Pueblo como muestra di
aprecio un cariñito pa e
trabounan di publicacion
y filmacion di tur nan
eventonan di henter e aña.
Solo di Pueblo ta gradici
Grupo Magdalena pa e
gesto.