Page 63 - AHATA

Aki tur hende por ripara cu na e momentonan aki, tin12 miembro den parlamento

kendenan na momento di huramenta, a sigura cu nan lo sirbi interes di pueblo pero pa di

dos ocasion sigui, interes di pueblo, interes di nos pais, no ta na prome luga pa e

parlamentarionan aki.

No solamente nunca a manda yama gobierno pa bin parlamento pa duna aclaracion di

kico ta pasando den e rapport di luna pasa pero awor cu otro advertencia a Sali for di

Banco Central caminda por deduci cu Aruba su economia a drenta un recesion, tur ta keto

sin iniciativa y sin curashi pa Sali bin dilanti y atende cu nan gobierno di con un

economia cu tabata para na 2.5% a cay den menos c’un aña di tempo pa 0.5%, cu ta algo

hopi pero hopi serio.

Fuera di e dos puntonan aki presenta pa Banco Central tin otro rapport cu a keda publica

algun siman atras di CBS cu tambe ta mustra un desaroyo negativo pero aki tampoco a

actua of a tuma un paso pa atende cu nan gobierno riba e punto aki.

Nos por bay ainda mas leu, ta mesun fraccion aki cu a presenta un mocion den cual nan ta

exigi di gobierno cu pa tal fecha presupuesto di pais Aruba pa 2019 mester ta na

Parlamento pero te dia di awe, e presupuesto aki no a yega parlamento.

Loke ta haci e situacion ainda mas serio ta e hecho cu prome minister Evelyne Wever

Croes a manda recientemente un mensahe bon cla pa e tres fraccionnan aki cu ta sostene

gobierno, esta cu pa dia 15 di December proximo, presupuesto 2019 mester ta aproba

loke a bolbe mustra cu ta gobierno ta dicidi kico e fraccionnan aki tn cu haci, na luga cu e

fraccionnan ta esunnan cu tin cu controla gobierno.

E falta di iniciativa aki, e falta di curashi y e falta di determinacion pa mustra gobierno cu

su maneho no ta hibando e pais den un rumbo di un desaroyo positivo pa pueblo, e