Page 6 - FDLP

Diabierna, 4 Januari 2019 AWEMainta 19

Les GRATIS di Ahedres ta bay den Bario (edad 6 – 12 aña)

NA october 2018 a cuminsa cu e projecto ‘Ahedres ta
bai den Bario’ unda gratis les di Ahedres a wordo duna

na grupo di muchanan di Traimerdia y Nos Atardi y

tambe muchanan cu nan mayornan a inscribi nan pa les
na Centro di Bario Lago Heights, Noord, Playa Pabao,

Centro Deportivo Betico Croes y Biblioteca Nacional.

Den e prome ciclo aki mas cu 200 mucha a ser conoci cu
e deporte di Ahedres y actualmente Federacion di Ahe-

dres (FAA) ta anuncia su programa pa di dos ciclo, cu lo
tuma luga for di 14 di januari 2019 pa 18 di april 2019.

Tur mucha cu kier sigui les GRATIS di Ahedres y cu ta

entre e edad di 6 – 12 aña ta bonbini. Door di sigui e
lesnan aki, e mucha ta haya conocemento di e reglanan

basico di Ahedres.

E biaha aki lo reparti e muchanan den grupo di 6 – 8 aña y 9 – 12 aña pa hisa e efectividad di e lesnan.

Lesnan lo wordo duna door di e trainer di Cuba, Lázaro Bueno Pérez y lo wordo duna den e siguiente barionan:
6 – 8 aña:

Centro di Bario Noord: Diamars di 5:30 pm – 6:30 pm

Bibliotheek San Nicolas: Diaranson di 2:00 pm – 3:00 pm
Centro di Bario Tanki Leendert: Diahuebs di 2:00 pm – 3:30 pm

9 – 12 aña:
Centro di Bario Lago Heights: Dialuna di 2:00 pm – 3:30 pm

Centro di Bario Savaneta: Dialuna di 5:30 pm – 7:00 pm
Centro di Bario Noord: Diamars di 2:00 pm – 3:30 pm

Bibliotheek Oranjestad: Diaranson di 5:30 pm – 7:00 pm

Centro Deportivo Sta. Cruz: Diahuebs di 5:30 pm – 7:00 pm
Centro di Bario Brasil: Diabierne di 5:30 pm – 7:00 pm

Por inscribi via e website di e federacion cu

ta arubachess.com/registration-form. Den
caso cu no tin acceso na internet por yama na

594-5590 (Octavio) of 594-1351 (Selvia) pa

inscribi e yiu of pa pidi mas informacion.

FAA ta spera cu tur mayor ta haci uzo di e

oportunidad unico aki pa laga nan yiu ser
conoci cu e deporte aki, ya cu e ta un deporte

cu por e.o. stimula e abilidad intelectual di e
mucha. E cuponan ta limita, dus inscribi mas

pronto cu ta posibel pa sigura un luga pa bo

yiu.