Page 40 - AVP

Momento historicamente bergonsoso cu e pais aki ta pasa aden, mientras e ta bezig
batiendo e pueblo aki cu medida. Tristo pa constata cu e mesun Minister President,
despues di a baha di su “Tour” na Europa, a dicidi cu awor e ta bay Virgin Islands.
Lubidando acusacionnan fuerte den pasado cu bishita y maletanan pa Virgin Islands,
caminda tin cu cuestiona kico lo t’e beneficio cu e bishita aki lo trece pa Aruba. T’asina
ta para biahamento y baha gasto?

Premier Wever Croes a biaha pa Cuba y regresando di su biahe pa Cuba a toca turno na
su colega, Minister Priki, cu tambe a yega Cuba y for di eynan ta manda mensahe cu e lo
ta cumprando regalo, cu placa di dagvergoeding, pasobra e stima Cuba y e Gobiernacion
di Cuba.
Cu tur esaki Parlamentario Arthur Dowers ta puntra: Kico ta pasando riba e pais aki.
Esaki t’e modelo cu nan a bay wak pa introduci riba Aruba, caminda lo caba cu e pueblo,
caba cu comercio, caba cu tur loke ta haci cu e pais aki un pais liber, cu un economia cu
ta crece y florece pa hinca nos pueblo den e mesun direccion cu Cuba?

T’esey so por conclui na momento cu mira dos Minister di un pais democratico
bishitando Cuba comosifuera cu na Cuba tin universidad di politica. Mester tene na
cuenta cu e mesun hendenan aki ta bon amigo di Presidente Maduro na Venezuela, cu
intencion di a habri frontera pa nan, pero no a logra, pero asina mes ilegalnan ta keda
drenta, ricibiendo saludo for di e Gobierno aki pa pidi asilo politico, pasobra Evelyn
Wever Croes a invita nan.
Cu intencion di a mandanan Bonaire, pero te cu dia di awe niun a bandona nos isla mas,
tur a keda riba e pais aki, cu tur e consecuencianan!