Page 14 - FDLP

atleta, 39 deporte y 62 disciplina 12 mil voluntarios ta entreotro algun cifras pa ilustra e
magnitud pa organisa Juegos Panamericano. Gobierno Peruano a hasi un inversion total di 1.1
BIYON us dollar tanto den infrastuctura di pais y den construcion di un serie di facilidadnan
deportivo. Desde 2016 e trabounan a inicia y esaki a percura pa alrededor 500.000 cupo di
trabou. Inversionnan di mas grandi por ehempel tabata e Village esta Villa Panamericana unda

atletanan a keda. Esaki so tabata un inversion di 155 miyon us dollar. E ta consisti di 7 edificio (
toren) di 19 y 20 piso cada un y un total di 1096 departamento. Despues cu e Juegos
Panamericano pasa gobierno lo bendenan cu Mivivienda cu ta departamento cu ta percura pa
casnan pa pueblo kende lo percura pa bende esaki nan. Banda di esaki a traha masha hopi

complehonan deportivo ultramoderno. Por ehempel na Villa Maria del Triunfo a traha un
compleho na balor di 110 miyon us dollar unda den e compleho aki tin 2 stadion di softball ultra
moderno, 1stadion di baseball, 1 stadion di Rugby, 1 stadion di Hockey y un zwempool pa
waterpolo mas un cantidad di oficina. Den tur e trabounan multimiyonario aki gobierno a
contracta e compania Britanico New Engineering Contract ( NEC) cual ta un compania
renombra den e materia aki mundialmente cu ta pinta mapa, hasi y guia trabounan civil y

construcion y ta resolve tur problema den tempo record y percura pa trabounan keda entrega
na tempo. Na final di e evento IPD cual ta Instituto Peruano de Deporte lo haña mayoria
facilidadnan bou su hala pa nan mantene y maneha. Parlamentario Croes kier ilustra e hecho
con paisnan grandi ta kere y ta a inverti den deporte. Klaro cu Aruba hamas por logra organisa

un evento asina grandi pero e experencia nos por translade den fraccionnan chiquito pa asina
stimula y desaroya nos deporte pa un otro nivel. Return in investmnent tambe a wordo calcula
unda por ehempel fanaticada y toerismo cu lo jega Peru pa e 17 dianan cu lo bay tin
competencia ta calcula un ingreso na balor di 250MIYON us dollar. E 500.000 cupo di trabou cu
esaki a crea tambe tin su balor. Esaki no ta inclui e balor di e imagen cu e pais lo ricibi cual lo
wordo añadi mas despues. Asina tin masha hopi factor cu ta determina e ingreso cu e inversion

biyonario aki lo trese cune. Deporte ta keda un vehiculo special unda inversion den deporte ta
crea caracter y juda traha un mihor persona pa futuro di Bo pais pero alaves ta unifica henter un
pueblo. Un inversion den deporte ta un inversion den futuro di Bo Pais Croes ta termina
splikando.

http://www.awe24.com/20190808/36820/Gobierno_di_Peru_a_inverti_11_BIYON_us_Dollar_preparan
do_e_infrastructura_pa_e