Page 29 - FDLP

Royal Power como visitante a anota 4 careda y ta aumenta esaki cu 2 mas den cabez di 2
inning. Macuarima ta piki 2 den bom di 3 inning pero Royal Power ta bolbe rally den cabez di 7
inning cu 4 careda mas cabando asina cu e speransa di Macuarima. Boxscore final Royal
Power Tat Fat Home Depot 11 careda, 11 hit, 1 error y ta laga 9 coredor na base. Macuarima
Spark Elektra 2 careda, 3 hit, 5 error y ta laga 5 coredor den circulacion. Jomark Flanegin

kende a caba campeonato regular cu un record di 6-0 a lansa un 3 hitter dominando e bateria di
Macuarima por completo pa seya e victoria riba su nopmber. Jomark Flanegin a bay 7 inning
completo enfrentando 28 bateador tirando 42 bola, 57 strike pa un total di 99 lansamento.
Jomark ta permiti 2 careda limpi tras di 3 hit propinando un total di 5 ponche y ta regala 5 base

por bola. Darl Quandus, Michael Fingal, Patrick Lampe, Revelino Silie y Zefrinthian Kerr ta entre
esnan cu a bay cas cu ponche pa Macuarima. Pa Royal Power Giandrick Lacle ta bay cas
trankil cu su ponche crema. Juan Chirino di Macuarima Spark Elektra ta bay cas cu e derota
riba su nomber. Juan Chirino a bay 7 inning completo y ta enfrenta 41 bateador lansando 49
bola, 70 strike pa un total di 119 pitch. Juan Chirino ta permiti 11 careda di cual 9 ta limpi tras di
11 hit ponchando solamente un bateador y ta regala 5 base por bola. Bateadornan cu a destaca

pa Royal Power ta Gregory “Pilin” Krosendijk 5-3, Kelvin Silvania 4-2, Mitchel Martes di 4-2 cu 3
careda anota y Giandrick Lacle di 4-2. Pa Macuarima a destaca na plato den causa perdi Ray
Bernabela kende a bati 2 di e tres hitnan di su equipo y a bay di 2-2. Royal Power Tat Fat Home
Depot asina ta pika 2-0 den e serie di 5 wega y tin Macuarima lomba contra muraya.

Macuarima mester un victoria pa alarga e serie mientras Royal Power cu un victoria lo bebe
champagne un aña mas y por termina campeonato cu 21-0 esta 21 victoria y 0 derota si logra
gana e proximo wega. Softball fast pitch cu un tremendo aña atrobe lorando e skina final.

http://www.awe24.com/20190808/36819/Royal_Power_Tat_Fat_Home_Depot_ta_derota_Macuarima
_Spark_Elektra_y_ta_pika