Page 21 - MIN ECEM 26 APRIL 2017

40 AWEMainta Diaranson, 26 April 2017

Partido POR, t’e ultimo cu a keda registra

Partido POR a keda oficialisa den presencia

di Presidente di Conseho Supremo Electoral

AYERA mainta, durante e conferencia di prensa di partido POR,
por a mira presencia di Presidente di Conseho Supremo Electoral,
mr. ing. Hubert Maduro, kende tabata presente pa oficialista e
organisacion POR como un partido politico, cu lo participa n’e
proximo eleccion dia 22 di september awor.
Tabata Otmar Oduber a presenta oficialmente Presidente di Con-
seho Supremo Electoral, mr. ing. Hubert Maduro, kende a cuminsa
na bisa cu e aña aki ta un aña poco straño, pasobra e ta un aña cu
tin hopi eleccion na mundo, unda ta demanda pa cambio.

Mira p.e. Merca, cu a haya un Presidente, cu te awe ta ser discuti,
Hulanda tambe a conoce eleccion, cu cambio, Francia tambe, maske
cu nan tin cu bay di dos buelta, pa no papia mes di algun pais Sur
Americano.
Na Aruba tambe por sinti un malcontento cu funcionamento di
politica, confirmando cu economicamente cos a cambia hopi, segun
mr. ing. Hubert Maduro, pa cual tin demanda pa cambio.

Como tal Aruba lo tin hopi partido nobo cu lo participa n’e proximo
eleccion. Segun Hubert Maduro, e ta kere cu partido POR lo t’e
ultimo partido politico cu lo keda oficialisa pa participa n’e proximo
eleccion.
Oficalisacion di POR a bay sin problema, ya cu e statutonan ta
manera mester ta. E otro partido politico, ya a keda oficialisa, y tur
cos ta mustra cu Aruba lo tin como 7 pa 8 partido cu lo tin cu tin
cu entrega nan lista di candidato pa dia 2 di augustus awor. Asina
mes no nifica cu nan tur lo participa, pasobra nan mester busca e
firmanan di sosten y consecuentemente por tin di nan cu por cay
afo ainda.