Page 37 - MIN ECEM 26 APRIL 2017

Green Corridor cambiando gran parti di Aruba Pa juli
caminda y brug nobo ta cla pa uzo

Tuesday, 25 April 2017 18:08
Comparti

Por bisa cu e prome parti di Proyecto Green Corridor, un iniciativa di Gabinete Mike Eman ta
practicamente cla. Esnan cu ta haci uzo di e careteranan pariba di brug por a constata esaki caba cu e
diferente camindanan cu a keda construi of asfalta di nobo.

Green Corridor ta un Proyecto PPP (Public Private Partnership), un vision di Gabinete Mike Eman. E ta
encera construccion di un caminda di dos via, 7 kilometer, for di aeropuerto te cu Pos Chiquito. Tambe ta
inclui reconstruccion di 13 kilometer di caretera te cu San Nicolas y un “fietspad”di 13 kilometer. Den
combersacion cu Carlos Zubieta, director di e proyecto Green Corridor, el a splica cu mayoria di
reconstruccion di e camindanan patras bayendo direccion di San Nicolas ta practicamente cla. Awo a
cuminsa cu construccion di e mini parkenan cu ta cinco (5) en total, un peticion special di Prome
Minister Mike Eman, pa forma parti di e embeyecimento. E mini-parkenan aki ta dirigi riba e
ciudadanonan di cada bario, pa cual tabatin consulta cu nan pa mira kico ta nan deseo, basa riba cada
area specifico unda nan ta. “E ta un area unda cu e habitantenan di e zona por sinta y socialisa. Idea ta cu
e habitantenan ta tuma encargo nan mes di e areanan aki, ” Zubieta a bisa. Construccion di e parti di
mini parkenan mester ta cla pa augustus 2017, mientras cu e parti di embeyecimento di e espacionan
publico, ta programa pa caba cu nan na luna di december,” Zubieta a comenta. E embeyecemento ta
encera e parti di Linear Park riba e pidi unda cu e actual brug actual (grandi) cu ta wordo uza pa pasa for
di e banda pabou pa e banda pariba di brug.

Automobilistanan por a constata cu gran parti di e caminda nobo construi a wordo uza di forma temporal
caba, na momento cu a construi e rotonde di Ser'i Teishi y awor cu ta finalisando esun pariba di brug. Na
momento aki, segun Zubieta ta calcula, falta un 25% di e proyecto total di Green Corridor pa keda cla.
“Mayoria di partinan importante, cu ta e caminda di dos via ta cla caba, e brug mes ta cla caba. Nos a
finalisa e rotondenan di Ser'i Teishi y Mahuma, mientras cu esun di Kibaima ta practicamente cla,”
director di e proyecto a bisa. Loke por resalta den e proyecto aki ta cu mayoria di e trabou a wordo realisa
door di contractistanan local. “Aworaki nos tin un 218 pa 230 trahado, di cual algun ta empleado directo
y casi 95% ta trahadonan local". El a bisa tambe cu cierto parti di e trabou cu mester a wordo haci riba
Green Corridor ta trabou special, pa cual nan a capacita tur e contractistanan riba e tereno aki. Zubieta a
finalisa bisando cu pa final di juni of inicio di juli, e infrastructura cu ta concerni caretera y e brug ta cla y
despues di esaki e ta cla pa Gobierno pone den uzo oficial riba e fecha cu e ta desea.

http://www.24ora.com/index.php?option=com_content&view=article&id=121175:green-corridor-
cambiando-gran-parti-di-aruba-pa-juli-caminda-y-brug-nobo-ta-cla-pa-uzo&catid=1:local&Itemid=5