Page 26 - WEB

A32 LOCAL
Diamars 23 Juli 2019

Segun Minister Otmar Oduber:

Niun momento tabatin negociacion di Tipping Fee

ORANJESTAD - Minister Otmar Oduber a tuma nota
di e ultimo publicacion cu e compania EcoGas a haci
tocante e acuerdo di e Tipping Fee, entre e compania
priva aki y Serlimar.

Den su comunicado EcoGas a indica cu e mandatario ta esun
cu a yega na e tipping fee di Afl 120 pa ton pa procesamento/
separacion di sushi den envirobales. Y cu tampoco ta corecto
cu EcoGas a triplifica e Tipping Fee, manera e mandatario a
yega di bisa.
Minister Otmar Oduber a splica di su banda con a yega na un
prijs pa separa e sushi cu mester bay den un saco di plastic y,
conforme reglanan internacional, der’e na Ser’i Thijshi. Se-
gun e mandatario e tempo cu a sinta pa yega na un prijs pa e
contract entre gobierno y EcoGas, nan dos hunto a busca un
auditoria di un compania di accounting. Ta e compania aki
cu mester a bisa kico e prijs pa realisa e trabou of servicio aki.
“Niun momento tabatin un negociacion di tipping fee,” el a
bisa.
E minister ta lamenta cu un compania cu e ta considera serio,
por a purba di desinforma comunidad como si fuera cu e Tip-
ping Fee a wordo negocia. E ta agrega cu e contract niun mo-
mento ta papia di Tipping Fee, sino cu ta papia di un servicio
na gobierno pa hiba e sushi cu ta recoge na e domicilionan y
ta wordo entrega pa despues nan duna nan bek na Serlimar
pa dera nan.
E tempo ey a wordo palabra cu e costo ey cu EcoGas mester
cobra gobierno pa haci e trabou ta di Afl 120 pa ton. Y di otro
banda a sali na cla cu ta costa Serlimar 60 florin pa dera e des-
perdicio aki di un forma responsabel di acuerdo cu reglanan
internacional. El a sigui bisa cu gobierno na su turno a bisa cu,
mirando cu ya caba na Parkietenbos awendia, y pa mas cu 20
aña caba, e tipping ta Afl 60, nan a dicidi di mantene e mesun
tipping aki di Parkietenbos na Ser’i Thijshi.
“Gobierno na niun minuut a subi e tipping ni cu un cen,”
minister a declara. El a haci enfasis cu cerca gobierno, ni cer-
ca Serlimar no tabatin niun aumento di prijs. E mandatario
su ministerio lo dirigi un carta pa EcoGas e siman aki. Pero
tambe e abogado di Serlimar a manda carta pa nan pa atende
cu e puntonan aki. Den e carta lo splica tambe cu gobierno lo
desea di traha cu tur compania semper y cuando cu e compa-
nianan ta respeta e proceso cu gobierno ta hiba.