Page 11 - AHATA

E aeroliña pa basta luna ta pasando den problemanan serio di operacion y
finanzas. Varios caso den corte ta mustra cu cada bez e ‘bida’ di e aeroliña ta keda alarga
cu algun tempo mas. Pa e parti ey ‘suerte’ ta na banda di e aeroliña. Ta siman pasa ainda
huez a bolbe tene compacion cu e aeroliña door di no dicta bancarota ora cu mes
momento el a rechasa e deal pa interCaribbean tuma e aeroliña over. Proximamente, un
apelacion di e sentencia dicta siman pasa 16 di januari 2019, tin cu determina si e
bancarota ta bin si of no ainda. Pa loke ta cancelacion di e buelonan, esaki no ta prome
biaha cu e ta sosode, ya cu den pasado, esaki a sosode caba unda cu e aeroliña ta hay’e
forza di cancela varios dia di buelo, perhudicando e pasaheronan pega tur caminda riba e
islanan di Caribe Hulandes. No ta conoci cuanto pasahero e biaha aki ta perhudica.