Page 22 - FDLP
P. 22
ORANJESTAD (AAN) – Den e
weekend cu ta tras di lomba a tuma lugar e torneo internacional di ahedres “Aruba
Chess Challenge”.
E torneo aki, a wordo hunga den 3 diferente grupo.
Un grupo U-12, pa nos muchanan bao 12 aña. Akiden a participa 20 mucha.
Un grupo U-18, pa nos hobennan baoi 18 aña. Akiden a participa 6 hungador. Motibo di
e cantidad abow di participante ta, pasobra diabierne tawata tin scol y no tur mucha
por a haya liber pa participa na e torneo international aki.
Un grupo Open, unda hungadornan di tur edad por participa. Akiden a participa 16
hungador. 2 hungador di Venezuela y un hungador di Russia.
Un total di 42 participante. E torneo a wordo hunga den SIMAR building na Sabana
Blanco.
Den grupo U-12, e promer lugar a bay pa Thamara Sagastegui. Thamara a score 8
punto for di 9 partido. Na segundo lugar tawata tin un empate entre Aimara Ballestero
y Patrick de Roo. Ambos a score 6 ½ punto for di 9 partido. Aimara a haja
contrincantenan mas fuerte y a keda na segundo lugar y Patrick na tercer lugar.
