Page 38 - FDLP

Nan por bay duna conscientisacion na e hende hombre tocante e malesa di cancer aki
cu ta afecta hopi hende hombre. Apoyo na e famia y sigur e tipnan valioso na e
momento necesario.

E ruta di 5 km, ta cuminsa na CIBC FirstCaribbean y ta bay direccion di Colegio Ora
Ubao den Tanki Leendert, ta cana un par di caya eytras pa sali bek na e caminda di
Ponton. Despues e ta pasa banda di Istore y pa sali banda di colegio EPB na hato, bay
direccion di e rotonde di Hato y bira bay bek na e rotonde di Tanki Flip pa termina bek

na CIBC FirstCaribben.

E ruta di 10 km, ta cuminsa na CIBC First Caribbean bay direccion di e rotonde di
Paradera, despues bay rotonde di Seroe Blanco, bay rotonde na Piet, bay rotonde na

Ponton, pasa den Pitastraat pa sali na colegio EPB na hato, bay direccion di e rotonde di
Hato y bira bay bek na e rotonde di Tanki Flip pa termina bek na CIBC FirstCaribbean.

Durante e ruta lo tin postnan di awa, polis y voluntarionan tambe lo na caminda. CIBC

FirtCaribbean ta pidi e automobilistanan pa pone atencion na e ruta y orario pa tin un
tiki pasenchi y apoya nos comunidad pa un bon causa.

E caminata aki ta tuma lugar ful e luna di October na tur e 17 paisnan den Caribe unda

cu e banco ta estableci. Na cada un di e paisnan aki cambionan ta tumando lugar danki
na e colaboracion di comerciantenan, comunidad y CIBC FirstCaribbean mes.

https://www.diario.aw/2018/10/tur-fondo-recauda-di-caminata-walk-for-the-

cure-ta-pa-fundacion-contra-cancer-di-prostaat/