Page 41 - ARUBA BANK 10 MAY 2017

Directora di Camara di Comercio, Sonja Veldhuize: 8 partido
lo participa den debate di Camara di Comercio

Tuesday, 09 May 2017 20:47
Comparti

E aña aki lo tuma e debate politico cu Camara di Comercio ta organisando y tin hopi atencion
riba dje. Lo tin un participacion di 8 grupo, di cual stress ta hopi grandi
, directora di Camara di Comercia Sonja Veldhuizen a indica. Camara di Comercio a haya hopi
pregunta y tin hende a bisa e directora cu nan kier asisti na e debate, pero nan lo bay live
stream via TeleAruba y lo bay stream tambe na Hulanda.
Camara di Comercio a papia cu TeleAruba diamars atardi pa asina nan por mira si nan por
stream live na Hulanda pe Arubianonan cu ta biba aya nan. E benta di ticket ta bayendo bon y
mayoria kier cumpra e ticketnan VIP pa sinta dilanti di stage y pa haya e oportunidad di papia
cu e partidonan. Un hende den VIP ta haya un pakete di bebida y oeuvres tambe.
"E ta bira dinamico pasobra manera mi a bisa biaha pasa, 2 partido lo bay subi stage. Na
comienso lo tira lot y 2 partido ta haya pregunta y ta contesta pregunta. Via facebook e otro
partidonan por contesta e mesun pregunta pa pueblo di Aruba," Veldhuizen a indica. Despues
di e debate ey nan por lesa kico e otro partidonan a contesta e mesun pregunta y tin un na slag
werk despues di e debate. E debate aki lo tuma luga na Marriott ballroom y Camara di
Comercio ta hopi ocupa cu esey. Esaki ta bin pasobra nan tin cu organisa e debate bon y duna
pueblo un chens pa vota basa riba ken, riba ki partido nan ta bay vota.
Ta organisa e debate aki pasobra niun otro organisacion ta organisando un debate. 4 aña pasa
pueblo y e comerciantenan a bisa Camara di Comercio cu e tabata un bon iniciativa pa organisa
un debate. Antes no tabata organisa un debate y haci esaki pasobra Camara di Comercio ta bay
diep den detayenan. Nan ta haci mas pregunta y pueblo por scoge mas miho riba cua partido
nan ta bay vota.
E lidernan so ta esnan cu lo participa den e debate aki. Mayoria partido a confirma caba nan
participacion den e debate aki, mientras cu Partido ABO ainda tin cu duna un contesta ainda. E
biaha aki Camara di Comercio a amplia mas e debate, pasobra biaha pasa partidonan den
gobernacion y parlamento so por a participa. "E aña aki tin mas partido, tambe un par di
partido nobo. Ora cu nos a confirma cu 3 of 4 partido lo participa, nos a haya hopi feedback di
pueblo. Nan a bisa nos 'cu nos kier wak kico e otro partidonan tin di ofrece nos.' P'esey mes
nos a cambia e strategia, 8 partido cu a confirma cu lo bay participa den e debate aki,"
Veldhuizen a indica. Camara di Comercio lo organisa 2 debate y e siguiente lo tuma luga dia 17
di augustus.