Page 48 - ARUBA BANK 10 MAY 2017
P. 48
Prisca Albertsz di RBC: E interes y entusiasmo pa acepta
carchi via websites a bira hopi halto
Tuesday, 09 May 2017 21:12
Comparti
Nos a papia cu Prisca Albertsz, kende ta merchants sales officer, e ta responsabel pa tur e parti
di benta di mercancia, esta e mashinnan di point of sales y tur parti cu ta encera transactional
banking, di RBC.
Kico E-Commerce ta nifica
Por mira cu tin un crecemento grandi den loke ta comercio online. Segun Albertsz, su
responsabilidad pa introduci e parti di merchants. Esey ta nifica cu nan tin cu acerca e cliente y
ofrece e producto. E interes pa e-commerce, pa Aruba mes, pa por ofrece e producto y e
cardholdernan pa nan por acepta carchi via websites a bira hopi grandi. Interes y entusiasmo
ta halto. Na Aruba mes ta ripara cu e cardholdernan ta creciendo enormemente. Nan
transaccionnan riba websitenan di afo ta creciendo, por ehempel Amazon.com, Ebay, etc.
Tarea di Albertsz ta pa trece e parti eynan Aruba. Pa trece e comercio eynan pa haci uzo di
online payments na Aruba. Esey ta wordo ofreci desde aña pasa. A bay live cu un merchant cu
ta ofrece su productonan online na Aruba, cu clientenan di afo.
Tin un paar mas. Mayoria di nan ta turista. Bo ta subi nan website y ta pidi un producto via
nan. Sea ta un horseback riding, sea ta un camber na un hotel. Eseynan ta loke ta ofrece awor
aki na e clientenan.
Pone mercancia online y shop
Por a mira cu e trend di online shopping ta hopi fuerte y ta causando cierto daño na nos
comercio. Segun Albertsz, e la ocasiona durante basta daño y ta causa un problema pa nos
comercio. Por ofrece e producto aki tambe na Aruba, cu nan por subi riba e online site di nos
comerciantenan na Aruba y cumpra tambe na Aruba. No ta necesario tampoco pa bay cumpra
afo. Naturalmente e ta bin cu e parti di e gastonan. E gastonan afo ta un tiki mas abao cu e
gastonan di importacion na Aruba. Esey por bira un dilema den futuro. Pero RBC por ofrece tur
cliente na Aruba, tur comerciante na Aruba, e posibilidad cu nan clientenan por subi riba nan
website y paga cu un credit card na Aruba mes.
