Page 14 - MIN VOS

AWEMainta Diamars, 7 Februari 2017 5

Mester corta den “vet” di gasto di salud publico

Pero berdad mester

tuma medida riba

e $20?

Lider di MEP ta cuestiona

DEN conferencia di prensa di Partido MEP, sra. Evelyn Wever-
Croes a elabora rib’e medida cu Gobierno a tuma pa corta
gastonan di AZV.

“Den ultimo dianan den nos campañanan den bario,
hopi hende ta expresa nan malcontento cu Gobierno a
tuma medida rib’e compensacion di $20 ora un hende
biaha pa exterior. Nos tur sa cu mester corta den gas-
tonan di AZV. Tin hopi “vet” den e contratonan diki
diki entre esnan mas halto den AZV”, segun Evelyn
Wever-Croes.

“Tin “vet” pa corta den e contactonan cu esnan
cu ta tene nos pashentnan inecesariamente den
exterior, maske tratamento a caba, of prome cu e
tratamento cuminsa.
Mi ta sigur cu esey ta costa mucho mas cu e $20.
Pero nada ta wordo haci rib’e tereno aki. Mi tin
comprension cu si tin abuso, pero atende cu e abuso
y mester gara e toro na su cacho”, lider di MEP a
splica.

“Pero no ta husto pa castiga tur hende pa un of al-
gun caso di abuso. Esey no ta soluciona e problema,
e ta haci e problema mas grave.
P’esey mi ta spera cu Gobierno reconsidera. Hala
faha mara, bin cu mas medida di control pero no
castiga hendenan inocente, cu ta malo y mester haci
sacrificio grandi pa bay den exterior pa busca nan
salud”, sra. Evelyn Wever-Croes ta conclui.