Page 15 - UTILITIES

Sra. Donge a splica cu WEB no ta tuma sample un biaha so, pero ta parti di un
plan structural pa henter aña na punto di produccion na WEB mes, na puntonan
strategico tur luna di nobo ta test e parti kimico di e awa y departamento di

salud publico ta test e parti microbiologico. Y apart di esey, regularmente WEB
N.V. ta haya bishita di instancianan internacional, pa check si e awa ta bon,

pero tambe e partinan pa garantisa e calidad durante e proceso di produccion y
distribucion di awa, pa esey ta wordo ehecuta corectamente. .

Aki na Aruba, e balor ta un challenge. Full rond mundo, tin casi 700 miyon

hende cu no tin acceso na awa y aki na Aruba ta hay’e ki ora cu ta. Dus
eigenlijk aki na Aruba no a sinti e duro pa tin acceso na awa. P’esey pa Aruba e
ta un extra reto pa keda motiva comunidad cu nan mester toch , di un manera

of otro, bay om cu awa conscientemente. Y ta p’esey tambe, e tema di e aña
aki, pa Dia Internacional di Awa, cu ta “Water and Waste water”. E mensahe cu

nan kier trece dilanti ta pa e uzo di awa consciente pero tambe reuza e awa.
Dus den e publicacionnan di DOW y Directie Volksgezondheid cu nan ta bay haci

tur e esfuerzo pa conscientisa e hendenan, pa e awa cu a caba di uza, pa recicla
esaki y uze di nobo. Tin varios forma di recicla awa y tin foyetonan cu ta wordo

reparti, pa duna mas informacion ariba e topico aki.

E mensahe pa Dia Internacional di Awa di parti di WEB NV ta pa keda awa

conscientemente y tambe, un palabra di pabien tambe na tur e empleado , no
solamente di WEB pero tambe di instancianan di gobierno, agricultornan y tur

cu tin di haber cu awa y pa e esfuerzo cu ta wordo haci di nobo, pa keda
garantisa un awa di calidad pa e pueblo di Aruba.