Page 19 - ARUBA BANK

Ministro Presidente Evelyn Wever-Croes a haya tempo en todo caso pa bini cu un
solucion. Awor aki ta caminda cu e rabo di porco ta krul.

Con orguyosamente nos ta bay paga e debe nacional? Aki nos ta uza e palabra

“orguyosamente” pasobra nos mester tene cuenta cu e opinion di e promotor di e debe
nacional, cu ta nos flamante ex Ministro Presidente Mike Eman.

Si tene cuenta cu manifestacion y hasta discurso nacional pafo di gobernacion y

parlamento, segun Mike Eman ta e ta e persona pa saca Aruba for di e desastre actual.

Un caminda e tin rason. Segun ley di naturalesa e miho persona pa remedia un
situacion ta e persona cu a crea e situacion. Pa nos ta hopi honesto, mester di gran

inteligencia pa crea un debe nacional di e magnitud cu Mike Eman a laga pa Aruba ora
el a hala atras exactamente dos aña pasa.

El a bolbe den su partido na cual e ta mara pa 7 Mil voto pero no na responsabilidad cu

e pais manera den Parlamento.

En todo caso, loke ta importante na e momento aki ta, con ta bay paga e debe nacional
den union nacional total.

E situacion ta sumamente fastioso pasobra e crecemento economico cu 15 porciento cu
Nicolas Maduro a priminti Aruba, tambe a keda den laira tras di nubianan scur scondi.

Cu of sin KB cu ta e decreto pa Reino tuma gobernacion financiero den su man, awor
Aruba orguyosamente mester paga su debe nacional. Pasobra si tin algo cu ta sigur ta,
cu e debe nacional ta di henter Aruba. cu mester paga.

E debe nacional ta cay den e mes pakete cu e placa cu mester paga e miembronan di
SADA manera gobierno di Mike Eman a priminti prome cu eleccion 2017. E debe
nacional ta cay den mes pakete cu placa cu mester pone na luga di loke a gasta cu
tram y cu hospital sin sala di operacion entre otro.

Aruba orguyosamente ta habri siman cu un pregunta hopi importante. Nos mester duna
contenido na e forma cu nos tur ta bay habri nos cartera pa entrega placa pa paga e
debe nacional.