Page 26 - HOSPITAAL

ORANJESTAD (AAN): ImSan tin ekiponan di calidad halto y tambe e verpleegsternan
tambe nan tin. Sigur sigur nan lo bay busca mas personal, segun dr. Joel Rajnherc,

director di ImSan.

Tambe lo bay renoba e seccion di emergencia completamente. No mester di ampliacion,
tin suficiente espacio, pero mester haci miho uzo di e espacio. E ta hopi ineficiente
manera cu e ta awo.

E relacion cu un sala di emergencia tin hunto cu e departamento di radiologia (rontgen)
tambe lo wordo modernisa y cambia completamente.

Ta bin CT Scanner, aparatonan nobo di radiologia, tin ultrasound, echo. Tur e ekiponan
ta biniendo. Ta rediseña ImSan completo y e ta haya un upgrade completo. E vision pa
ImSan y ta spera, manera tur cos ta bayendo bon, pa 2020, ta mustra cu ta na tempo.

Un di e retonan pa ImSan ta personal, pa e departamento di dialyse tin verzorger di
Filipina, pero tambe tin algun enfermeronan cu lo kier bin traha na e luga unda nan ta
biba. No ta discrimina nos mesun hendenan, door di no tuma un local den servicio.

Esey ta un acuerdo cu e dos hospitalnan tin cu otro, di con ta bay om cu nos mesun
hendenan. Te asina leu, dr. Joel Rajnherc.

https://www.diario.aw/2018/12/imsan-ta-hayando-un-upgrade-completo/