Page 8 - MIN ON

Kerekentenchi Speelschool a uni cu Stichting Ambiente Feliz
pa celebra

Tuesday, 25 April 2017 08:19
Comparti

Diahuebs 13 di April, alumnonan di Kerekentenchi Speelschool a celebra Pasco Grandi cohuntamente cu
clientenan di Stichting Ambiente Feliz. E mainta tawata jena cu actividad placentero pa tur e clientenan y
tambe e alumnonan, entre otro buscamento di webo, hungando weganan di antes y cantamento y tambe
un Easter Bunny pa entretene e muchanan y clientenan di Ambiente Feliz.

A cuminsa e mainta hunto na unda nos a yama e Easter Bunny bon bini. E muchanan a canta varios
cantica pa tur esunnan presente. Despues e muchanan a busca webo hunto cu algun cliente di Ambiente
Feliz y e Easter Bunny. E alumnonan y e clientenan a hunga diferente wega, entre otro e wega “eierlopen”
caminda nan mester a transporta un webo riba un cuchara di un pa otro lugar sin wanta e webo y sin lage
cai. Nan a gosa un mundo! E alumnonan di Kerekentenchi y e clientenan presente di Stichting Ambiente
Feliz a come un almuerzo hunto. Na final tur mucha por a ricibi locual nan a traha riba dje na scol hunto
cu algun webo y un regalito. E dia tabata un fiesta grandi cu a ser culmina cu tur e participantenan
bailando den kring y despues tur hende a dispidi di e Easter Bunny. E tawata un dushi mainta na unda
nos muchanan a siña den un manera apto pa nan edad kiko e ta pa tin un limitacion y e clientenan a haya
un compaño di nos muchanan cu a hasi nan hopi contento. Hunto como un famia nos a celebra Pasco
Grandi. Pa mas informacion di Kerekentenchi Speelschool bishita www.kerekentenchispeelschool.com
of fb.com/kerekentenchispeelschool.