Page 3 - Djaluna 3 Desember 2018.pdf
P. 3
Djaluna 3 Desèmber 2018 3
Hòmber ta
propiná un
otro vários
hinka
WILLEMSTAD.- Djabièrnè
alrededor di binti pasa di
nuebe di anochi Sentral di
Polis a dirigí un unidat di
Barber pa Soto na altura di
un minimarket, pa un kaso
di hinkamentu serio. Na
yegada di e unidat, nan a
bin topa un hòmber drumi
riba un banki na un parada
di bus, ku diferente hinka
serio na e parti dilanti i
patras di su kurpa.
E víktima, e hòmber G.D.
tabata sangra bastante i
ambulans ku a yega na
e sitio a transport’é den
un situashon delikado pa
poliklínika.
Na e sitio, polis a
konfiská un kuchú na
sanger, ku kua e agresor
lo a propiná su víktima e
hinkánan.
Investigashon den e kaso
aki ta kontinuá.
