Page 75 - MIN ECEM

Minister Arthur Dowers: Esnan cu ta traha riba beach mester
cumpli cu reglanan stipula

Tuesday, 11 April 2017 21:43
Comparti

Tin desaroyonan rond riba tumamento di terenonan riba beach. Tin di compronde cu tin cierto
reglamento. Minister Dowers ta bisa kico e ta precies y si tin atencion pe di parti di Gobierno.

E mandatario a splica cu tabata tin un reunion caminda cu ministernan Sevinger, de Meza y
Dowers tabata presente basa riba keho di e hoteleronan. Pa hopi aña sa cu tabata tin
problema. A warda pa hopi aña tambe riba un colega cu no ta den e partido mas, cu mester a
bin cu e maneho. Tin di compronde cu esey a tarda hopi, cual ta frustracion pa hopi hende.
Sinembargo tin un maneho awor aki y ta asina leu cu mester wordo implementa y mester
wordo reglamenta. A tende siman pasa diferente, despues cu a tene un reunion positivo,
caminda cu tur hende ta cu cara den e mesun direccion y cu tur hende lo bay traha hunto pa
yega na un solucion, tin cu bisa cu a tende algun comentario negativo di banda di esnan di
oposicion. Sinembargo no lo bay reacciona riba esaki. E focus riba esaki ta cu ta bay percura pa
tur esnan envolvi. Den esaki tin infrastructura envolvi, tin directie scheepvaart envolvi, tin
cuerpo policial tambe envolvi, cual tin e rol mas chikito den e proceso. Toch ta bay percura pa
hunto cu e otro departamentonan, yega na e reglamentacion manera cu e ta.
Mayoria hende a haya sa kico ta e reglanan, mayoria hende a firma tambe. Tin di compronde
pa e regla nobo tin algun hende no ta respeta of no tin van plan di haci’e. Den e siman cu ta bin
nan ta bay haya un carta, caminda cu nan ta bay haya dos siman pa nan cumpli cu e
rekisitonan. Esunnan cu no lo cumpli, Cuerpo Policial lo bay asisti na e departamentonan, pa
asina e hendenan aki bandona e areanan aki. Si mira con e areanan turistico a wordo desaroya
den e ultimo añanan y con hopi turista ta haci uzo di e facilidadnan aki, ta compronde cu e
presion ta bira hopi grandi. Desaroyo ta bin cu un prijs. E prijs di desaroyo ta nifica cu tin cu
reglamenta cosnan mas miho. Cada bes cu bin mas hende, cu bin mas turista acerca, ta bin
mas trabao tambe, principalmente pa departamento di husticia y ta dispuesto y ta cumpli
cune. Na e momentonan aki e cooperacion ta asina bon cu e otro coleganan, cu ta spera cu
dentro di algun siman, tur cos ta na ordo.
Pago
Tabata tin discusion riba pago. Segun e minister, e pagonan ta bay over pa minister Sevinger.
Esey ta pago pa uzo di teritorio. Tabata tin un procedura proponi door di esun cu a traha e plan
pa haci’e mas facil pa cobra, sin embargo di un otro banda a bin presion pa haci’e diferente. El