Page 11 - MIN SOC

Minister President Eman

ta ricibi buki ‘E Negoshi

di Koffie na Aruba’

Published on February 15, 2017 in Social
ORANJESTAD, Aruba

Pa Minister President Mike Eman, como titular tambe di Cultura, tabata un placer di
ricibi periodista y autor local Benjamin Romero. Romero a haci entrega oficial di un
copia di su buki titula ‘E Negoshi di Koffie na Aruba.’ Den sala di Conseho di Minister na
edificio Cocolishi, Premier Eman y romero a comparti un combersacion ameno.

“E tabata pa mi un honor pa haci entrega di mi buki na Prome Minister di Aruba, e ta un
parti di historia conta for di e angulo social economico con tabata e negoshi di koffie cu
a tuma luga riba nos isla pa mas di tres decada. Mirando tambe Minister su vision di
crea un hub pa Aruba, mi ta kere cu tabata cuadra cu esey,” asina e autor local a bisa.

Minister President Eman di su banda a expresa su satisfaccion cu e parti di historia aki
no ta bay perdi. Basa riba esey, e autor a haci un apelacion na e mandatario pa dedica
un espacio den Museo Industrial na e capitulo di negoshi di koffie na Aruba. Premier
Eman ta wak merito na e peticion a indica di lo canalisa e deseo aki.

“E parti aki di nos historia ta demostra e capacidad y vision di nos hendenan,” Romero
a indica. Na final di e encuentro entre Premier Eman y e autor local, e ultimo aki a skirbi
un dedicatoria special den e copia cu a obsekia. E buki ta obtenibel na De Wit, Van
Dorp, Coffee House y tambe na Coffee Break.