Page 45 - MIN SOC

Ta pidi pa no haci di mas, zorg pa tin un amigo DIDI, cu ainda tin 2 siman mas
pa bay. Sra. Arends ta splica no tin nada mas miho, cu ora cu FADA sinta hunto
cu Cuerpo Policial y tur esunnan envolvi, tur hende bin hunto, y bisa cu Aruba

tabata tin un Carnaval sigur, cu e campaña tabata un exito, cu tabata tin cierto
cambionan. Aruba, ban ta consciente cu e campaña akinan, e amigo DIDI, pa

tur hende ta safe.
FADA tin un contacto estrecho cu Cuerpo Policial, ya cu nan ta un di e

partnernan den e campaña di amigo DIDI. Ora cu e campaña a start na
December, Sra. Arends a splica cu nan a haya tremendo feedback for di

voceronan di Cuerpo Policial, Sr. Lito Lacle y Sra. Liliana Rasmijn cu loke nan ta
wak ariba caya. Y FADA ta spera cu nan final, ora cu nan sinta hunto cu otro,
nan por haya e mesun reaccion.

Na final di nos siña nos muchanan di chikito pa no bebe nan dilanti pa cual si bo
haci esaki e mucha ta wak esaki como algo responsabel. Si e mayor ta bay

bebe, zorg pa e tin un amigo DIDI, cu no ta bay bebe, pero lo keda ariba awa of
coke.

Pa loke ta trata e hobennan, FADA a caba di cera un carrousel cu nan tabata tin
for di Januari caba, unda cu nan a bishita varios scol secundario. Hopi di e

hobennan sa di e amigo DIDI, nan sa di dje. Pero e ta keda un tema hopi
delicado pa e hobennan, e peer pressure, nan tambe lo kier join nan amigonan.
Asina mes e mensahenan ta yegando na e hobennan. Pa loke ta e ultimo dos

simannan cu falta, FADA tin varios scolnan cu nan ta bayendo. No ta siña nan
solamente e malo di e alcohol, pero pa no tene pura, cu nan tin full un bida nan

dilanti ainda. No tin nada mas great, cu e hoben yega cas y bisa su mayornan,
bisandonan cu nan ta bayendo Carnaval hunto, y cu kisas un di nan ta bay

bebe, pa busca un amigo DIDI pa yega cas mas safe.
Sra. Rulienne Arends, a sigui splica cu e meta di e stickernan ta pa nan wordo

pega na auto, y ya caba nan a haya varios potret, di stickernan poni riba
autonan. Diadomingo awo, tambe FADA lo ta den parada pa asina sigui parti
sticker y sigui cu e conscientisacion di e uzo debido di alcohol.

Si acaso un persona no ta bayendo Carnaval, e por tuma contacto cu FADA y
nan lo zorg pa e haya su sticker di amigo DIDI, segun Rulienne Arends di FADA

a termina bisando.