Page 5 - MIN SOC

Ex Aura Casino ta habri awe nochi

como 'Liv Casino'!

Posted on 02/15/2017 11:31 am AST | Updated on 02/15/2017 11:36 am AST

PALM BEACH - Algo mas cu un aña cu Aura casino a cera
su portanan oficialmente, e espacio (mas chikito) ta habri
bek bou di e nomber 'Liv Casino', cu un total di 26 di e

46 trahado cu tabata traha anteriormente. Segun
representante di e doñonan a confirma na NoticiaCla.com,
awe nochi ta tuma lugar e 'soft opening' pa e huespednan

di e hotel (Barceló Hotel). "Nos ta habri awe nochi 6'or di
atardi pa 2'or di marduga, solamente pa huesped di hotel"

e representante cu no kier a comparti su nomber. Segun e
representante, nan a tuma over 'oficialmente' 26 dia pasa y
tabata traha duro pa remodela y haci e cambionan

necesario. "E fecha oficial di e apertura lo keda determina
despues" e representante a bisa.

CASINO A CERA PORTA

Tabata december 2015 cu e casino a sera su porta y cu a

cuminsa un pesadia pa e 46 trahadonan cu a keda sin trabou.
Un cantidad di cos a tuma lugar for di e momento ey, cu varios
operador purbando, pero no a logra, casonan den corte, pago

di cesantia, intervencion di gobierno, welga, protesta, y
finalmente e operador Island Gaming tabata esun cu finalmente

a logra cu pa awe e casino ta habri su porta atrobe.
Sinembargo nan tambe por poco a bandona e operacion ora cu
un ultimatum a vence sin cu nan por a keda cla. Pero

finalmente partidonan a logra bin hunto y a pone cu awe nochi
e casino ta habri bek bou di un maneho y nomber nobo.