Page 22 - Djasabra 22 Desember 2018.pdf

Djasabra 22 Desèmber 2018 23

Sostené pa Fundashon pa
Konsumidó

Tambe ta den plan pa bai
skol. Huntu ku Fundashon
pa Konsumidó otro aña
lo wak kon ta pasa e
konosementu aki tambe
over na skolnan. En total
a dura Jessi 3 aña pa e por
a yega na e buki di finansa
hubenil. E buki a keda
trahá na Kòrsou mes. Uniko
kos ku a keda importá ta e
etuínan. E tas i bòrchi trahá
na Kòrsou. Jessi a splika
ku e mes ta gusta e bòrchi.
Ku e bòrchi aki por palabrá
ku e yu kiko ta e tareanan
ku e ke hasi i e komishon
ku e mayor ta bai dun’é i e
dianan ku e ta hasié i e total
di komishon pa siman. Algu
masha bunita riba e bòrchi
ta ku e yu por pone e potrèt
di e opheto ku e ke yega na
dje. E potrèt ei ta lag’é sigui
enfoká ku ta einan e ke
yega i e ta keda wak kuantu
sèn e tin di spar i kuantu e
falta pa yega na su meta. E
pakete aki ta optenibel na
librerianan i na Fundashon
pa Konsumidó na Waaigat.

Ta un pakete amplio i ta
dependé kuantu tempu ta
dediká na dje, por pasa dor Facebook; finansa hubenil
di e pakete. Por hasié lihé i
por dura mas largu.