Page 10 - FDLP

Aruba Bank A Anuncia E First Aruba Bank GTP

International Tennis Tournament 2019

 Local
- 12/09/2019

Durante di un rueda di prensa na Camacuri, sra. Gina Habibe, Executive Director di
Aruba Bank, a anuncia e First Aruba Bank GTP International Tennis Tournament cu lo
tuma lugar na Aruba Racquet Club for di 11 di october te cu 19 di mesun luna.

Deporte ta un di e areanan mas conoci den comunidad cu Aruba Bank ta aporta na dje
banda di Cultura, Educacion y Salud. Pues pa Aruba Bank ta un grato honor pa por t’e
patronicidor principal di e “1st Aruba Bank GTP International Tournament 2019”.

‘Den cuadro di nos strategia y nos sosten pa deporte na Aruba atrabes di nos propio
eventonan, tambe nos ta contento di por anuncia oficialmente nos colaboracion cu e
torneo di tenis hubenil aki’, Gina Habibe, Executive Director di Aruba Bank ta anuncia.

E torneo aki ta duna e hungadornan hoben di Aruba un oportunidad unico pa por
participa contra hungadornan di otro paisnan, unda cu nan lo por gana suficiente punto pa
por logra un posicion riba e ranking mundial.