Page 61 - FDLP

Xander Bogaerts a bolbe Aruba

diadomingo

Posted on 11/4/2018 5:59 pm AST | Updated on 11/4/2018 6:11 pm AST

ORANJESTAD – Net un siman despues cu Boston Red Sox a gana Serie Mundial di
Baseball Grandes Ligas hunto cu e pelotero professional di Aruba Xander Bogaerts,
the X-man a bolbe su isla natal diadomingo atardi, algo despues di 4'or di atardi.
Despues di su yegada, a tene un conferencia di prensa chikito cu varios mandatario
di Gabinete Wever Croes . Tabata peticion di famia Bogaerts/Brown pa tene e
ceremonia di yegada chikito y modesto. Pues no tabatin mucho fanfaria rond di su
yegada. “Mi ta gradicibo pa loke bo ta haci, bo ta haci cosnan grandi pa Aruba”
prome minister Evelyn Wever Croes a bisa durante e conferencia.

XANDER

E palabranan di Xander mes tabata corto, pero suficientemente cu peso, unda cu el a duna
reconocemento na su famia, particularmente su tio cu a siñe hunga bala. Tambe el a referi
na e weganan ora cu e tabata poncha y cu e sa cu hopi hende na Aruba tabata pensa riba
esey. “Mi ta content di ta bek na tera cayente. Boston ta hopi friu” Xander a bisa tambe,
riba e situacion di tempo. Otro siman lo tin un celebracion mas grandi pa publico aunke
no a divulga e detayes. Segun minister di deporte Dangui Oduber, dialuna lo revela e
detayes pa cu e evento grandi aki.