Page 48 - ARUBA BANK

Algun siman atras fraccion di MEP a haci nan maximo esfuerso pa bay demostra cu

algun ‘grafiek’ cu a wordo hinca den otro cu cifranan autentico di Banco Central, no ta

procedente di Banco Central.

Ningun esfuerso a wordo haci pa atende cu e analisis y pronostico negativo y sumamente

preocupante cu Banco Central a divulga riba economia di nos pais, loke ta mustra e

mentalidad di e fraccion geel, segun miembro di fraccion di AVP, sr Michael Lampe.

“Fraccion di MEP, principalmente dor di lider di e fraccion a practicamente haci un

investigacion cu hopi determinacion pa mustra cu e grafieknan no a wordo traha pa
Banco Central y su gobierno hasta e pidi Banco Central pa emiti un comunicado di

prensa pa confirma esaki.

Sinembargo na realidad di e cifranan negativo aki, absolutamente nada a wordo haci,

ningun esfuerso a ser haci pa sikiera defende interes di pueblo como representantenan di
pueblo y pidi gobierno pa bin Parlamento pa splica e desaroyo negativo aki.

Siman pasa resultado di e mentalidad negativo aki a tuma un rumbo mucho mas serio ora

cu Banco Central a publica otro rapport di evaluacion dunando indicacion cu un

economia cu gobierno di AVP a laga na 2.5%, a sufri un caida formal y nos por a mira
cun esaki a cay te na 0.5% y caminda e institucion bancario hasta ta kere cu e lo bira mas

pio ainda, ora cu e efecto di e medida di aumento di BBO, wordo sinti den su totalidad.

Un biaha mas pueblo por mira cu e representantenan cu nan tin den Parlalemento pa

atende cu interes di pueblo den e tipo di asuntonan aki, ta neglisha por completo e
desaroyo sumamente serio aki y cu practicamente ta mustra cu economia di Aruba a

drenta un recesion.