Page 39 - FDLP
P. 39
E unico Domino Square Garden na mundo, esta 99 Bar & Restaurant, tabata rand rand di
fanaticada pa bin presencia locual mester a bira un anochi di come huña! Sinembargo, si
bo a bay baño y a keda sinta un tiki di mas ariba trono, lo b’a core riesgo di a perde e
bataya! Den un velocidad nunca bisto Team Snor a masacra e trabuconan di Chelo! Ta
manera un peloton di fusilamento a los 21 tiro den un solo shot! Cu asombro un y tur a
keda wak otro…”that was it??”
Y toch mester bisa cu Chelo, kende net e anochi ey a hasi aña 12’or, a presenta cu’n team
di hungadonan renombra y di caliber! Guynan manera Chez,Yoyo, y varios otro di un
forma of otro a laga nan chip di domino na cas e anochi ey, y na un manera increibel a
perde 21 wega den rato di ora! Cu score increibel di 21 – 7, Team Snor a kibra record den
Domino Square Garden! Un ta manera!
Shonnan keda pendiente, keda pendiente! Han a anuncia cu e ta trahando ariba un
formato estilo “Champions League” pa sera fin di aña! Teamnan manera Snor, Caba Co’,
Balashi Knights, y varios mas lo haya un invitacion pa enfrenta otro estilo un pa tera un
pa lama, pa di e forma aki na december determina kende por titula su mes campeon 2018!
Keda pendiente pasobra ta wega grandi ta bay tin!
https://24ora.com/team-snor-a-baha-scama-di-team-chelo/
