Page 35 - HOSPITAAL
P. 35
Bus di Salud ta riba caminda pa duna su
servicio na comunidad. Diamars dia 6 di
november banda di Wema Ponton
9 HORA PASA , 5 DI NOVEMBER 2018 12:22
SECCION: SALUD
Instituto Biba Saludabel y Activo, IBiSA ta informa cu Bus di Salud ta riba caminda pa duna su
servicio na comunidad. Diamars dia 6 di november e Bus di Salud lo ta staciona banda di
Wema Ponton, diaranson dia 7 di november na MFA Paradera y diahuebs dia 8 di november e
Bus di Salud ta banda di luznan di trafico na Noord dilanti di Warda di Polis na Noord.
E orario di servicio di Bus di Salud pa publico ta for di 8:30 di mainta pa 3’or di atardi, pa cual
IBiSA ta invita pueblo di Aruba en general pa acudi na Bus di Salud pa haci un chekeo di nan
salud. E chekeo ta encera control di sucu, colesterol, presion y peso. Tur chekeo ta
completamente GRATIS y no mester ta na yuna. Unico rekisito ta e carchi di AZV (valido).
IBiSA ta sigui traha pa conscientisa e pueblo di Aruba riba e importancia y cuido di nos salud,
alabes ta promove pa cada ciudadano hiba un estilo di bida mas saludabel, pa keda activo y
haci movecion. Probecha di e oportunidad y acudi trempan pa por haya e servicio.
