Page 6 - MIN ON 16 MARCH 2017

Alumnonan di Colegio

Arubano y Prinses

Amalia Basis School a

siña conoce nos

mangelnan

Published on March 16, 2017 in Social
ORANJESTAD, Aruba

Den cuadro di e “World Wetlands Day” Colegio Arubano y Prinses Amalia Basis School
a tene un actividad na Spaans Lagoen cu apoyo di AHATA dia 9 di maart. Zaida
Everon, Docente di Colegio Arubano a splica cu nan a tene un excursion pa
conmemora e importancia di “wetlands”, den e caso aki Spaans Lagoen. E
alumnonan di Colegio, e klas VWO 4 a hinca un opdracht den otro pa muchanan di
scol basico Prinses Amalia pa asina siña nan den un manera didactico y cu
experimento kico ta e importancia di a area aki.

Cada grupo a traha su mesun opdracht bao guia di e docente Biologie y nan a ehecut’e
cu e studiantenan di Prinses Amalia Basis School, asina Juffrouw Everon a indica. E
muchanan tabata hopi entusiasma y asina a alcansa meta di e actividad. E alumnonan
di Colegio Arubano a laga sa cu pa nan tabata un bon experiencia pa nan mes siña
algo y pa pas’e over pa e muchanan mas chikito, juffrouw Zaida Everon a indica. E
intencion ta pa mas biaha por bay den veld cu nan studiantenan pa nan mes por siña
algo for di e naturaleza di Aruba y haya aprecio pa esaki. “Pa loke nan siña pas’e over
na otronan”. Marie Therese Croes, Juffrouw di Klas 4 di Prinses Amalia Basis School a
duna di conoce cu nan ta dunando les di mangrovenan na scol y nan a acerca e
Fundacion “Wetlands Aruba” y ta asina cu e juffrouw di Colegio Arubano a invita nan. E
alumnonan di Colegio Arubano a traha un opdracht pa e muchanan siña mas di
“wetlands” na Aruba. E alumnonan tabata hopi contento cu tur loke nan a por a siña
riba mangel.

Juan Perez ta un alumno di Prinses Amalia Basis Scol y a bisa cu e actividad tabata
hopi leuk. Nan a siña hopi di e mangrovenan. Gendrik Rodriguez a agrega cu el a siña