Page 26 - KPA

Si e trailernan,

trekkernan di Carnaval

no a keur lo no por

participa den ningun

parada

Published on January 11, 2017 in Local/SPLASH
ORANJESTAD, Aruba

Mirando e dolor di cabes cu DTI ta hayando pa por pone cada doño di trailer cumpli cu
e ley di keur cuerpo policial y Stichting SMAC a reuni riba e topico aki. Tanto KPA y
SMAC kier ta bon cla cu cu cada grupo , banda ,bar den carnaval mester bay keur na
DTI. Khalilah Croes vocero di SMAC tabata presente den e reunion cu cuerpo policial y
a splica cu berdad tabatatin un insidente den fakkel cu un di e trailer di un banda.

Pa e motibo aki mes ta enfatisa cu ainda tin hopi trailer cu ta participa den carnaval cu
falta e keuring di DTI y como SMAC ta haci un yamada pa tur esnan cu falta ainda pa
keur nan trailer pa haci esaki mas pronto cu ta posibel. Por yama DTI na 5845300 y lo
yuda mesora pa por keur e trailer. E proseso aki ta pa siguridad di cada participante cu
ta baila rond di e trailernan. Tur e gruponan cu ta participa tin e responsabilidad pa tur
cos ta na ordo. Diadomingo awo e control pa tur vehiculo di motor cu ta den parada
polis lo controla tur si tur cos ta ordo , si esaki no ta e caso e ora e posibilidad ta hopi
grandi cu e truck lo no por subi caminda e ora. Loke cu mester ta bon cla cu si algo
mester pasa e responsabilidad no ta di SMAC pero di e doño di e trailer.

Vocero di polis Lito Lacle ta duna di conoce cu polis ta esun cu mester controla y DTI ta
e departamento cu mester keur e trailer. Tin diferente cosnan esencia cu e trailer ,
trekker mester tin riba dje pa ta optimal. Polis lo haci un control y si acaso e trekker no
ta cumpli e posibilidad ta grandi cu e vehiculo no por participa diadomingo awo na
parada di blaas. Vocero di polis lito lacle kier pa tur esnan cu a bin busca un permiso na
cuerpo policial pa ta bon na altura cu e permiso di cuerpo policial ta un permiso cu por
participa den e parada , pero pa control di trailer y trekker esey ta trabao di DTI pa
controla si tur cos ta na otro pa asina polis por controla den parada.