Page 18 - KPA JAN 6

14 AWEMainta Diabierna, 6 Januari 2017

Impacto entre Hyundai Accent

y van H1 ta casi forsa

e van den un greppel

DEN oranan di diahuebs mainta, alrededor di 11:15am, un accidente a sosode riba
caminda di Sabana Liber entre un Hyundai Accent y un van H1. Polis a presenta n’e
sitio y constata cu un e dama chauffeur di e Hyundai tabata bayendo direccion Noord,
unda el a coy un birada mucho duro y perde control. El a dal contra e van y e impacto
a forsa e van pa casi cay den un greppel. El a keda colga den balansa di tal forma cu
poco tabata falta pa e cay aden. Personal di bombero a presenta pa winch e van pa e
chauffeur por a sali. Despues a trek e van pa sak’e for di e greppel. Ambulance a haci un
chekeo medico n’e sitio mes pero afortunadamente no tabatin ningun persona herida.

Ruman homber ta dal ruman muhe cu auto

DEN oranan di diahuebs
mainta, un problema a
surgi entre dos ruman na un
adres den Sabana Blanco,
caminda e ruman homber a
dal su ruman muhe cu auto.

Polis a presenta n’e sitio
y topa cu e ruman muhe.
A tuma tur declaracion pa
despues atende cu e ruman
homber, kende a huy for di
e sitio pa ora Polis a yega.
Hecho ta cu e incidente aki
por wordo considera como
un intento di asesinato,
asina poniendo e ruman
homber den problema gran-
di cu husticia. Investigacion
ta continua.