Page 12 - awm 13MAY2017
P. 12
12 AWEMainta Diasabra, 13 Mei 2017
Dedica na tur mama di Aruba, specialmente mi yiu Shamaira “KICO MAMA TA NIFICA”
Mi rumannan Maria Louisa y Gardenia Skirbi pa: Omaira I. Rodriguez-Britten
Mi cuñanan Ankie, Emerita y Edna y tur mi sobrinanan. Muher soltera, muher balente
cu corage y sin miedo ta consciente
prepara pa duna su yiu proteccion
ta wanta dolor cu fe y admiracion.
Abo, cu a busca pa keda embarasa
rogando e tata responde pa e casa
no uza un criatura pa logra bo plan
pensa bon corda riba dia di mayan.
Hoben pensa cu un rato di placer
por kibra bo futuro sin tin mester
buscando e forma facil pa aborta
sin kier sinti e feto den bo planta.
E autor cu ta comete aborto
ta cruel kitando bida trece morto
pakico e criatura inocente mester
paga culpa di otro como un deber.
Mamanan no spanta di palabra
si e yiu nace morto of mal forma
bida di cada ser humano ta conta
dune amor y siguransa di ta na bida.
Un mucha special ta un bendicion
Dios ta facilit’e guiansa y proteccion
no menosprecia loke Dios a regala
stim’e y gui’e, un dia e tambe lo bula.
Haci aborto pa abuso sexual
ta un bida bo ta marca sin culpa
haci aborto pa iresponsabilidad
ta un bida bo ta ranca sin culpa.
MUHER BALENTE, MUHER FUERTE
DIOS A DUNA BO E REGALO PA TA MAMA
E SER HUMANO CU TA DUNA BIDA
GRADICI DIOS PA CADA YIU CONSTANTEMENTE.