Page 5 - awm 13MAY2017

AWEMainta Diasabra, 13 Mei 2017 5

Parlamentario mr. Juan E. Thijsen (MEP):

AVP cu show di

scucha 1000 voz net

prome cu eleccion y

durante gobernacion

ta neglisha pueblo

di 100.000 voz

PARLAMENTARIO mr. Juan E. Thijsen a tuma
nota di un campaña di AVP 1000 voz awor net na
porta di eleccion. Esaki segun Parlamentario Thijsen
ta un puro show pa gana voto, especialmente bao
hubentud y esaki posiblemente ta sugeri pa conseh-
eronan di campaña di AVP mirando cu un di e criti-
canan mas grandi contra AVP ta e hecho cu nan ta
goberna sin tene cuenta cu opinion den e comunidad.

E experiencia aki a ser biba den carni y weso pa gre-
mionan cu a worde malamente uza pa e Gobierno di
Mike Eman. Ora tabata mester pa pasa medidanan
a uza e instrumento di dialogo social pero ningun
dialogo social no a worde yama ora di regla contract
di hedging, parti terenonan, etc. Pio ainda, Gobierno
no ta scucha ni instancianan constitucional manera
Raad van Advies y Algemene Rekenkamer.
E proceso di scucha pueblo segun Parlamentario
Thijsen mester ta un proceso continuo y no algo pa
net prome cu eleccion. Sigur no mester ta un scucha-
mento di 1000 persona lagando interes di 100.000
voz den aire sin conta cu nan. Si bo mira ful e set up
di e proyecto di 1000 voz di AVP bo ta mira clara-
mente un wega di mercadeo na unda ta mal uza bon
intencionnan di hobennan.
E proyecto di 1000 voz a ser devalua pa e propio vo-
ceronan di AVP, kendenan a bisa cu loke pueblo kier
ta luz, asfalt y klinkers y cu ta esaki ta loke pueblo
ta pidi durante bishitanan di Mike Eman na casnan.

Segun e Parlamentario durante bishitanan na cas
durante ful e añanan cu a pasa y actualmente su
persona y otro coleganan di partido ta scuchando
otro tipo di problemanan y deseonan. Criminalidad
cresciente, poder di compra malo, desempleo y falta
di trabao, inseguridad di trabao, salubridad publico
y cuido medico malo, problemanan den educacion,
etc. ta topiconan cu ta ser scucha henter ora.

Voz di pueblo vox populi segun Parlamentario Thi-
jsen ta hopi importante y p’esey partido MEP tin su
lidernan di bario cu constantemente ta den contacto
cu pueblo y ta ser scucha continuamente y no ora di
eleccion so manera AVP ta bin pretende cu su show
di 1000voz. Pueblo di Aruba por conta cu durante
gobernacion di MEP e oido lo t’ey pa pueblo y ta
respeta tur partnernan social y instancianan consti-
tucional. Democracia bao MEP ta hala rosea liber y
ta e base pa goberna.