Page 18 - bon-dia-aruba-20181215

A18 DEPORTE
Diasabra 15 December 2018

Ciclismo: Cacho di Caya Urban Challenge 2018

ORANJESTAD – Ayera
atardi a tuma luga den
varios caya rond nos ciu-
dad e prome ‘Cacho di
Caya Urban Challenge’.
Un carera di bais cumin-
sando y finalisando na On
The Rocks Cafe, cu par-
ticipacion di 28 ciclista.

Segun un relato di 297sports,
e carera aki tabata diferente,
pa motibo cu durante e care-
ra, e participantenan mester
a pasa diferente luga pa col-
ecta 6 firma cerca diferente
boluntarionan, ademas di
pasa varios checkpoint na
diferente luga. E ruta a core,
entre otro, for di bou palo di
Colegio na bar Manuelitos, y
na Royal Plaza.

Everald Juni Kock a resulta e
campeon di e prome Cacho
di Caya. Di dos luga a keda
Lysander ‘Cabes’ Loefstok,
y di tres luga Mario Briezen.
Ademas, e coredo cu a yega
di ultimo luga, Ivan Flane-
gin, tambe a haya un recon-
ocemento.