Page 50 - MIN JUS

Diabierna 16 December 2016 Pagina 5

Polis a parti straf pa cuatro polis envolvi den

caso di Mitch Henriquez

Ayera polis di Den Haag
a informa cu nan a tuma
pasonan di castigo contra e
cuatro polisnan envolvi den
caso Mitch.

Dos polis a haya un
“berisping” o sea un tipo di
waarschuwing/ advertencia
serio. Otro dos polis a haya
un straf condiciona na un
aña di prueba.

Esaki kier meen cu nan lo
keda traha den e Cuerpo
Policial pero den lapso di
un aña, no mag ripiti algo
asina of cu nan ta haci
nan mes culpabel atrobe
na cualkier violacion di
procedura di trabao.
Tambe nan lo wordo
desarma y no mag actua
cu arma. Si den lapso di
un aña, nan comporta
nan mes bon, nan lo bira
atrobe un polis cu tur poder
di polis.

Sinembargo, ainda mester
warda decision di huez den
e caso di persecucion. Si
huez declara e dos polisnan
culpabel, sin condicion,
nan ta perde nan trabao. Si
nan wordo castiga bao un
of otro condicion, nan lo por
mantene nan trabao. Esaki
sigur ta un decepcion pa e
famia pa tende e anuncio
di polis riba e straf pa
e polisnan, kendenan a
comete asina hopi fayo
y a wordo duna un trato
preferencial.

Awor ta keda en espera di
e tratamento di e caso door
di huez.