Page 63 - MIN JUS

Edith Koolman d Stichting Parkietenbos: Dump a crece bira
un monster sin ningun clase di medida y cu hopi peliger pa

salud

Thursday, 15 December 2016 21:41
Comparti

Stichting Parkietenbos a yama un conferencia di prensa. Edith Koolman presidente di e stichting a hiba
palabra.

Aki el a splica con Dump a crece bira un monster sin ningun clase di medida y cu hopi peliger pa salud di
esnan cu ta biba den e area y esnan cu ta bay eyriba tur dia. E situacion aki no por continua y nan no por
acepta mas tampoco. Edith Koolman a splica cu habitantenan mester sera cas of bandona nan cas algun
dia. Nan no ta acepta molester mas. E ta un problema pa e salud di esnan den otro barrio. Gobierno a
bisa cu e solucion no ta bay a costo di e trahadornan y cu e Dump lo wordo sera segun Edith
Koolman. Aldrich Croes tambe ta miembro di Stichting Parkietenbos. Durante e conferencia di prensa el
a splica un tiki riba e forma cu sushi ta wordo procesa. Na October e filmacion a wordo haci unda tabata
tin kimamento. E huma ta bay direccion Simeon Antonio. E dump y wordo traha y expandi sin cu a pone
un blokeo pa yega e awa di lama. Tin candelana spontaneo cu ta sali. Esaki ta candelanan cu ta wordo
acumula. E gas aki tambe ta dañino pa salud di hende. E gas aki ta provoca diferente explosionnan. E
sushi ta simplemente baha bin abou. E huma aki ta espontaneo y ta afecta hopi hende segun Aldrich
Croes. Normalmente un Dump no por construi asina cerca di lama. Nunca mester a permiti pa e sero na
Dump crece. Recientemente anochi despues cu tur hende a bay sosega tin cu a cuminsa bira malo.
Henter e gas aki ta drenta cas di hende. Of ta drenta den e sistema di airco. Poco poco e ta haci daño na e
hendenan den nan soño. Aldrich Croes a splica cu e marduga tin hende cu a afixia y perde rosea. Ora a
lanta durante dia e mes a bira malo segun Aldrich Croes.