Page 13 - MIN JUS 31 MARCH 2017
P. 13
Minister Paul Croes ta
keda movi
oblicatoriamente for di
Gabinete Eman II
Published on March 30, 2017 in Politica
ORANJESTAD,Aruba
Den cuadro di un investigacion grandi den gobierno, Ministerio Publico a invadi 13 cas
diamars pa 6’or di mainta. Pa sorpresa di hopi hende un di e casnan aki ta di minister
encarga cu labor, social y hubentud Sr. Paul Croes. Ministerio Publico a duna orden pa
haci e invacion na tanto su cas como su oficina situa den Cocolishi, pero tambe na otro
diferente camindanan c uta relaciona cu e mandatario.
Na e minister su oficina trahadonan cu ta traha den su ministerio no a ser permiti pa
drenta oficina mientras cu tabata coi varios documento. Segun un comunicado di
Ministerio Publico cu a sali durante dia ta trata aki di un investigacion grandi riba
ambtelijke corruptie. Riba mesun diamars pa 11’or di mainta Minister Publico pa medio
di Fiscal Mayor Erick Olthof a bisa cu sr. Paul Croes ta e unico minister sospecha den
caso di e investigacion cu tin di haci cu permiso di trabao cu a bai den direccion di
corupcion y soborno.
E invacion ta enserra varios cas, oficina y fundacion tur tin relacion cu Croes. Mas tanto
a confisca documentonan administravio pa sigi cu e investigacion segun mr. Olthof.
Tanto e minister como trahadonan lo a ricibi regalo, despues di a duna servicio na
stranhero pa jega na permiso di trabao. E investigacion tabata den man di dos hues
comisario, personal di landsrecherche, RST, KPA, FIOT y FIOD como tambe
marechaussee. Fuera di documentonan administrativo a tuma for di e sitio varios
persona a ser interoga.
No tabatin ningun detencion pero no por kita afo cu esaki lo sosode mirando ki
direccion e investigacion ta bai segun Fiscal Major. Minister Presidente Mike Eman
diamars atardi tambe a tene un conferencia di prensa bisando cu e caso contra minister
Paul Croes ta algo sumamente penoso si mira cu e ta sospecha di actonan corupto. E
tipo di investigacionnan aki ta tuma luga den forma independiente y cu gobernacion ta
respeta tipo di investigacionnan asina. Tambe sr. Eman a bisa cu e investgacionnan aki
a bin abase di kehonan pero cu e no conoce e detayenan. Pa loke ta posicion di
